nalon se agar maine kabhi kaam liya hai

Wahshat Raza Ali Kalkatvi

nalon se agar maine kabhi kaam liya hai

Wahshat Raza Ali Kalkatvi

MORE BYWahshat Raza Ali Kalkatvi

    nāloñ se agar maiñ ne kabhī kaam liyā hai

    ḳhud asar-e-nāla se dil thaam liyā hai

    āzādi-e-andoh-fazā se hai rihā.ī

    ab maiñ ne kuchh ārām tah-e-dām liyā hai

    uThtī thiiñ umañgeñ unheñ baḌhne na diyā phir

    maiñ ne dil-e-nākām se ik kaam liyā hai

    juz mashġhala-e-nāla o fariyād na thā kuchh

    jo kaam ki dil se sahar o shaam liyā hai

    ḳhud pūchh lo tum apnī nigāhoñ se vo kyā thā

    jo tum ne diyā maiñ ne vo paiġhām liyā hai

    thā terā ishārā ki na thā maiñ ne diyā dil

    aur apne sar jurm ilzām liyā hai

    ġham kaise ġhalat karte judā.ī meñ tirī ham

    DhūñDā hai tujhe haath meñ jab jaam liyā hai

    ārām ke ab naam se maiñ Darne lagā huuñ

    taklīf uThā.ī hai jab ārām liyā hai

    mālūm nahīñ ḳhuub hai jo vāqif-e-fan haiñ

    'vahshat' ne mahākāt se kyā kaam liyā hai

    nalon se agar main ne kabhi kaam liya hai

    KHud hi asar-e-nala se dil tham liya hai

    aazadi-e-andoh-faza se hai rihai

    ab main ne kuchh aaram tah-e-dam liya hai

    uThti thin umangen unhen baDhne na diya phir

    main ne dil-e-nakaam se ek kaam liya hai

    juz mashghala-e-nala o fariyaad na tha kuchh

    jo kaam ki dil se sahar o sham liya hai

    KHud puchh lo tum apni nigahon se wo kya tha

    jo tum ne diya main ne wo paigham liya hai

    tha tera ishaara ki na tha main ne diya dil

    aur apne hi sar jurm ka ilzam liya hai

    gham kaise ghalat karte judai mein teri hum

    DhunDa hai tujhe hath mein jab jam liya hai

    aaram ke ab nam se main Darne laga hun

    taklif uThai hai jab aaram liya hai

    malum nahin KHub hai jo waqif-e-fan hain

    'wahshat' ne mahakat se kya kaam liya hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY