nalon se mere kab tah-o-baala jahan nahin

Mufti Sadruddin Aazurda

nalon se mere kab tah-o-baala jahan nahin

Mufti Sadruddin Aazurda

MORE BYMufti Sadruddin Aazurda

    nāloñ se mere kab tah-o-bālā jahāñ nahīñ

    kab āsmāñ zamīn-o-zamīñ āsmāñ nahīñ

    qātil chashm-e-tar na ho ye zabt-e-āh dekh

    juuñ sham.a sar kaTe pe uThā yaañ dhuāñ nahīñ

    ai bulbulān-e-sho.ala-dam ik naala aur bhī

    gum-karda-rāh-e-bāġh huuñ yaad āshiyāñ nahīñ

    is bazm meñ nahīñ koī āgāh varna kab

    vaañ ḳhanda zer-e-lab udhar ashk-e-nihāñ nahīñ

    ai dil tamām naf.a hai saudā-e-ishq meñ

    ik jaan ziyāñ hai so aisā ziyāñ nahīñ

    nāz-o-nigah ravish sabhī laagū haiñ jaan ke

    hai kaun adā vo terī ki jo jāñ-sitāñ nahīñ

    milnā tirā ye ġhair se ho bahr-e-maslahat

    ham ko to sādgī se tirī ye gumāñ nahīñ

    āzurda tak bhī kuchh na hai us ke rū-ba-rū

    maanā ki aap koī jādū-bayāñ nahīñ

    nalon se mere kab tah-o-baala jahan nahin

    kab aasman zamin-o-zamin aasman nahin

    qatil ki chashm-e-tar na ho ye zabt-e-ah dekh

    jun shama sar kaTe pe uTha yan dhuan nahin

    ai bulbulan-e-shoala-dam ek nala aur bhi

    gum-karda-rah-e-bagh hun yaad aashiyan nahin

    is bazm mein nahin koi aagah warna kab

    wan KHanda zer-e-lab udhar ashk-e-nihan nahin

    ai dil tamam nafa hai sauda-e-ishq mein

    ek jaan ka ziyan hai so aisa ziyan nahin

    naz-o-nigah rawish sabhi lagu hain jaan ke

    hai kaun ada wo teri ki jo jaan-sitan nahin

    milna tera ye ghair se ho bahr-e-maslahat

    hum ko to sadgi se teri ye guman nahin

    aazurda tak bhi kuchh na hai us ke ru-ba-ru

    mana ki aap sa koi jadu-bayan nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY