nam aur naqsh ki sarhad se mila dega mujhe

naam aur naqsh kī sarhad se milā degā mujhe

ḳhud mirā ḳhvāb kabhī ḳhvāb banā degā mujhe

ye sitāra sā jo dil hai mirī daryāft tamām

jab talak raushnī detā hai du'ā degā mujhe

ye alag baat ki maiñ gosh-bar-āvāz nahīñ

phir bhī kuchh der to ā.īna sadā degā mujhe

dil ki baḌhtā chalā aatā hai nazar kī jānib

phir kisī kār-e-mohabbat pe lagā degā mujhe

jism uktāyā agar ek sī vahshat se to dil

ek dasht aur isī dasht meñ lā degā mujhe

jis safīne meñ shab-o-roz ke aa baiThā huuñ

mauj meñ aayā agar mauj banā degā mujhe

dil meñ dīvār ke uThne se ye shor uTThā hai

ye vo saaya hai jo chup-chāp jalā degā mujhe

nam aur naqsh ki sarhad se mila dega mujhe

KHud mera KHwab kabhi KHwab bana dega mujhe

ye sitara sa jo dil hai meri daryaft tamam

jab talak raushni deta hai du'a dega mujhe

ye alag baat ki main gosh-bar-awaz nahin

phir bhi kuchh der to aaina sada dega mujhe

dil ki baDhta chala aata hai nazar ki jaanib

phir kisi kar-e-mohabbat pe laga dega mujhe

jism uktaya agar ek si wahshat se to dil

ek dasht aur isi dasht mein la dega mujhe

jis safine mein shab-o-roz ke aa baiTha hun

mauj mein aaya agar mauj bana dega mujhe

dil mein diwar ke uThne se ye shor uTTha hai

ye wo saya hai jo chup-chap jala dega mujhe