nazuk labon pe nam purana nahin raha
nazuk labon pe nam purana nahin raha
Syed Kamran Zubair Kaamii
MORE BYSyed Kamran Zubair Kaamii
nāzuk laboñ pe naam purānā nahīñ rahā
ham dil-jaloñ kā koī Thikāna nahīñ rahā
bazm-e-sitam se nikle liye dāġh-e-ārzū
haa.e charāġh-e-dil kā jalānā nahīñ rahā
dil ne rah-e-talab meñ hamārī nahīñ sunī
is dil pe iḳhtiyār ye maanā nahīñ rahā
fikr-e-jahāñ nahīñ hai umīd-e-vafā nahīñ
jiine kā koī bhī to bahāna nahīñ rahā
'kāmī' ye sard-mehrī-e-shahr-e-sitamgarāñ
lagtā hai ulfatoñ kā zamāna nahīñ rihā
nazuk labon pe nam purana nahin raha
hum dil-jalon ka koi Thikana nahin raha
bazm-e-sitam se nikle liye dagh-e-arzu
hae charagh-e-dil ka jalana nahin raha
dil ne rah-e-talab mein hamari nahin suni
is dil pe iKHtiyar ye mana nahin raha
fikr-e-jahan nahin hai umid-e-wafa nahin
jine ka koi bhi to bahana nahin raha
'kaami' ye sard-mehri-e-shahr-e-sitamgaran
lagta hai ulfaton ka zamana nahin riha
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
