nae libas ko hum tar-tar kya karte

Asrarul Haq Asrar

nae libas ko hum tar-tar kya karte

Asrarul Haq Asrar

MORE BYAsrarul Haq Asrar

    na.e libās ko ham tār-tār kyā karte

    milī thī bhiik meñ fasl-e-bahār kyā karte

    ham apne zaḳhm-e-tamannā shumār kyā karte

    tamām umr yahī kārobār kyā karte

    jab āftāb ka.ī apnī dastaras meñ rahe

    tumhīñ kaho ki charāġhoñ se pyaar kyā karte

    hamāre haath meñ patthar the phal girāne ko

    ham āñdhiy.oñ bhalā intizār kyā karte

    kabhī ham apnī vafāoñ se mutma.in na hue

    nigāh-e-yār tujhe sharmsār kyā karte

    hamārā dard bhī kuchh tum se muḳhtalif to na thā

    ham ahl-e-zarf the chīḳh-o-pukār kyā karte

    unheñ bhī apnī ḳhushī thī aziiz ai 'asrār'

    jo merā dil na dukhāte to yaar kyā karte

    nae libas ko hum tar-tar kya karte

    mili thi bhik mein fasl-e-bahaar kya karte

    hum apne zaKHm-e-tamanna shumar kya karte

    tamam umr yahi karobar kya karte

    jab aaftab kai apni dastaras mein rahe

    tumhin kaho ki charaghon se pyar kya karte

    hamare hath mein patthar the phal girane ko

    hum aandhiyon ka bhala intizar kya karte

    kabhi hum apni wafaon se mutmain na hue

    nigah-e-yar tujhe sharmsar kya karte

    hamara dard bhi kuchh tum se muKHtalif to na tha

    hum ahl-e-zarf the chiKH-o-pukar kya karte

    unhen bhi apni KHushi thi aziz ai 'asrar'

    jo mera dil na dukhate to yar kya karte

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY