نئے معنی نئے اسلوب لکھنا
نئے معنی نئے اسلوب لکھنا
غزل کو چاند کا محبوب لکھنا
شعور زندگی عنقا ہے لیکن
سفر کے ذائقے مرغوب لکھنا
ہماری فکر پر کہرے سجانا
متاع ذہن کو مصلوب لکھنا
جہاں ظلمت کے پہرے ہر قدم ہوں
ہمارے شہر سے منسوب لکھنا
پلانا زہر پیمانے بدل کر
درون میکدہ مشروب لکھنا
تم اپنے رو بہ رو آئینہ رکھ کے
کسی ہمسائے کو مجذوب لکھنا
ترا لہجہ ہے نشترؔ احتجاجی
پروں پر تتلیوں کے خوب لکھنا
مأخذ:
لفظ لفظ آئینہ (Pg. 123)
- مصنف: ابوالخیر نشتر
-
- ناشر: ابوالخیر نشتر
- سن اشاعت: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
