nahin nahin hai mujhe etibar shishe par

nahīñ nahīñ hai mujhe e'tibār shīshe par

paḌā hī rahne do gard-o-ġhubār shīshe par

tū jā rahā hai to ye aa.ina bhī letā jā

nazar paḌegī mirī bār-bār shīshe par

huā hai chuur to bikhrī paḌī hai ḳhāk-e-badan

rakhā thā kis ne ye apnā mazār shīshe par

tū muskurā ke agar dekh le use ik baar

to lauT aa.egī phir se bahār shīshe par

paḌe hoñ varta-e-hairat meñ shīsha-gar saare

to naqsh aisā bhī koī ubhār shīshe par

dikhā.ī is meñ diyā thā jo ‘aks-e-yār kabhī

so aa rahā hai mujhe aaj pyaar shīshe par

so kaT gayā naañ tirā haath bhī to jān-e-ġhazal

kahā thā kis ne ki ġhussa utaar shīshe par

dikhā.ī degā ye 'shahzād' ek din sab ko

banā rahā huuñ dil-e-dāġh-dār shīshe par

nahin nahin hai mujhe e'tibar shishe par

paDa hi rahne do gard-o-ghubar shishe par

tu ja raha hai to ye aaina bhi leta ja

nazar paDegi meri bar-bar shishe par

hua hai chur to bikhri paDi hai KHak-e-badan

rakha tha kis ne ye apna mazar shishe par

tu muskura ke agar dekh le use ek bar

to lauT aaegi phir se bahaar shishe par

paDe hon warta-e-hairat mein shisha-gar sare

to naqsh aisa bhi koi ubhaar shishe par

dikhai is mein diya tha jo ‘aks-e-yar kabhi

so aa raha hai mujhe aaj pyar shishe par

so kaT gaya nan tera hath bhi to jaan-e-ghazal

kaha tha kis ne ki ghussa utar shishe par

dikhai dega ye 'shahzad' ek din sab ko

bana raha hun dil-e-dagh-dar shishe par