nai barish ki rim-jhim mein libas-e-gham to badlega

Mazhar Imam

nai barish ki rim-jhim mein libas-e-gham to badlega

Mazhar Imam

MORE BYMazhar Imam

    na.ī bārish rim-jhim meñ libās-e-ġham to badlegā

    vahī rasm-e-chaman hogī magar mausam to badlegā

    vo qahr-e-shāh-ḳhāvar ho ki zahr-e-bād-e-sarsar ho

    kisī sūrat mizāj-e-nāzuk-e-shabnam to badlegā

    masīhāoñ ne kuchh taaza davā.eñ ke rakkhī haiñ

    na.e zaḳhm ā.eñge ab bhī magar marham to badlegā

    kafan resham ke maqtūloñ ko ab pahnā.e jā.eñge

    azādāroñ tarz-e-girya-o-mātam to badlegā

    na.ī sāqī-garī jashn-e-fayyāzī mubārak ho

    vahī hoñge ayāġh-o-jām lekin sam to badlegā

    na.ī nāvak-zanī hogī magar itnā bhī kiyā kam hai

    ki jis aalam meñ ham rahte haiñ vo aalam to badlegā

    nai barish ki rim-jhim mein libas-e-gham to badlega

    wahi rasm-e-chaman hogi magar mausam to badlega

    wo qahr-e-shah-KHawar ho ki zahr-e-baad-e-sarsar ho

    kisi surat mizaj-e-nazuk-e-shabnam to badlega

    masihaon ne kuchh taza dawaen la ke rakkhi hain

    nae zaKHm aaenge ab bhi magar marham to badlega

    kafan resham ke maqtulon ko ab pahnae jaenge

    azadaron ka tarz-e-girya-o-matam to badlega

    nai saqi-gari ka jashn-e-fayyazi mubarak ho

    wahi honge ayagh-o-jam lekin sam to badlega

    nai nawak-zani hogi magar itna bhi kiya kam hai

    ki jis aalam mein hum rahte hain wo aalam to badlega

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY