naKHl-e-ummid pe hum sabr ka phal dekhenge

naḳhl-e-ummīd pe ham sabr kā phal dekheñge

aaj agar dekh na pā.eñge to kal dekheñge

chashm-e-nazzāra milī hai to ba-har-sūrat ham

ādam-e-ḳhāk ko masrūf-e-‘amal dekheñge

varaq-e-zīst pe likkheñge kahānī apnī

nazm-e-hastī ko kisī roz badal dekheñge

saath rakkheñge use baaġh kī tanhā.ī meñ

aur favvāre se girtā huā jal dekheñge

muddatoñ baa'd koī zamzama-pardāz huā

aaj ham log tilismāt-e-ġhazal dekheñge

lauT kar koī jahāñ se nahīñ aatā 'sarvat'

unhīñ rāhoñ pe kisī vaqt nikal dekheñge

naKHl-e-ummid pe hum sabr ka phal dekhenge

aaj agar dekh na paenge to kal dekhenge

chashm-e-nazzara mili hai to ba-har-surat hum

aadam-e-KHak ko masruf-e-‘amal dekhenge

waraq-e-zist pe likkhenge kahani apni

nazm-e-hasti ko kisi roz badal dekhenge

sath rakkhenge use bagh ki tanhai mein

aur fawware se girta hua jal dekhenge

muddaton ba'd koi zamzama-pardaz hua

aaj hum log tilismat-e-ghazal dekhenge

lauT kar koi jahan se nahin aata 'sarwat'

unhin rahon pe kisi waqt nikal dekhenge