naqab chehre se mere haTa rahi hai ghazal

Obaidur Rahman

naqab chehre se mere haTa rahi hai ghazal

Obaidur Rahman

MORE BYObaidur Rahman

    naqāb chehre se mere haTā rahī hai ġhazal

    hisār-e-zāt se bāhar bulā rahī hai ġhazal

    ye kaun hai jo bahut be-qarār hai mujh meñ

    ye kis ke qurb meñ yuuñ kasmasā rahī hai ġhazal

    vo ḳhol jis meñ muqayyad huuñ TūTne ko hai

    mujhe bahār muzhda sunā rahī hai ġhazal

    vajūd huā jaatā hai falsafa paanī

    rumūz-e-zāt se parde uThā rahī hai ġhazal

    jo mo'tariz the hue vo bhī mo'tarif us ke

    har ek daur meñ jādū-numā rahī hai ġhazal

    sahā hai ḳhud pe har ik tiir tanz hañs kar

    piyā hai zahr magar muskurā rahī hai ġhazal

    hai qadr-dān ko apne ye vaj.h-e-sarshārī

    ye hāsidoñ ke diloñ ko jalā rahī hai ġhazal

    ki sirf gul nahīñ ḳhaar se bhī nisbat hai

    ye aur baat ki bād-e-sabā rahī hai ġhazal

    kare hai us pe riyāzat ki us husn khule

    'obaid' ke liye misl-e-hinā rahī hai ġhazal

    thā ek shaġhl mirā merī ye ġhazal-goī

    'obaid' zaat ko ab apnī bhā rahī hai ġhazal

    naqab chehre se mere haTa rahi hai ghazal

    hisar-e-zat se bahar bula rahi hai ghazal

    ye kaun hai jo bahut be-qarar hai mujh mein

    ye kis ke qurb mein yun kasmasa rahi hai ghazal

    wo KHol jis mein muqayyad hun TuTne ko hai

    mujhe bahaar ka muzhda suna rahi hai ghazal

    wajud ka hua jata hai falsafa pani

    rumuz-e-zat se parde uTha rahi hai ghazal

    jo mo'tariz the hue wo bhi mo'tarif us ke

    har ek daur mein jadu-numa rahi hai ghazal

    saha hai KHud pe har ek tir tanz ka hans kar

    piya hai zahr magar muskura rahi hai ghazal

    hai qadr-dan ko apne ye wajh-e-sarshaari

    ye hasidon ke dilon ko jala rahi hai ghazal

    ki sirf gul hi nahin KHar se bhi nisbat hai

    ye aur baat ki baad-e-saba rahi hai ghazal

    kare hai us pe riyazat ki us ka husn khule

    'obaid' ke liye misl-e-hina rahi hai ghazal

    tha ek shaghl mera meri ye ghazal-goi

    'obaid' zat ko ab apni bha rahi hai ghazal

    Source:

    • Book : Soch Abshar (Poetry) (Pg. 93)
    • Author : Obaidur Rahman
    • Publication : Sehla Obaid (2007)
    • Edition : 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY