naqab chehre se uske kabhi sarakta tha

Irfan Ahmad

naqab chehre se uske kabhi sarakta tha

Irfan Ahmad

MORE BYIrfan Ahmad

    naqāb chehre se us ke kabhī saraktā thā

    to kaale bādaloñ meñ chāñd chamaktā thā

    use bhī ḳhitta-e-sarsabz mil gayā shāyad

    vo ek abr TukḌā jo kal bhaTaktā thā

    vo mere saath jo chaltā thā ghar ke āñgan meñ

    to māhtāb bhī palkeñ bahut jhapaktā thā

    ye kah ke barq bhī barsāt meñ bahut roī

    ki ek peḌ chaman meñ ġhazab mahaktā thā

    ġham-e-hayāt ne baḳhshe haiñ saare sannāTe

    kabhī hamāre bhī pahlū meñ dil dhaḌaktā thā

    jo ho ga.ī hai kabhī abr navāzish bhī

    to sā.ebān ka.ī din talak Tapaktā thā

    akele paar utar ke bahut hai ranj mujhe

    maiñ us bojh uThā kar bhī tair saktā thā

    naqab chehre se us ke kabhi sarakta tha

    to kale baadalon mein chand sa chamakta tha

    use bhi KHitta-e-sarsabz mil gaya shayad

    wo ek abr ka TukDa jo kal bhaTakta tha

    wo mere sath jo chalta tha ghar ke aangan mein

    to mahtab bhi palken bahut jhapakta tha

    ye kah ke barq bhi barsat mein bahut roi

    ki ek peD chaman mein ghazab mahakta tha

    gham-e-hayat ne baKHshe hain sare sannaTe

    kabhi hamare bhi pahlu mein dil dhaDakta tha

    jo ho gai hai kabhi abr ki nawazish bhi

    to saeban kai din talak Tapakta tha

    akele par utar ke bahut hai ranj mujhe

    main us ka bojh uTha kar bhi tair sakta tha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY