naqab-e-husn-e-do-alam uThai jati hai

Jigar Moradabadi

naqab-e-husn-e-do-alam uThai jati hai

Jigar Moradabadi

MORE BY Jigar Moradabadi

    naqāb-e-husn-e-do-ālam uThā.ī jaatī hai

    mujhī ko merī tajallī dikhā.ī jaatī hai

    qadam qadam mirī himmat baḌhā.ī jaatī hai

    nafas nafas tirī aahaT paa.ī jaatī hai

    vo ik nazar jo ba-mushkil uThā.ī jaatī hai

    vahī nazar rag-o-pai meñ samā.ī jaatī hai

    sukūñ hai maut yahāñ zauq-e-justujū ke liye

    ye tishnagī vo nahīñ jo bujhā.ī jaatī hai

    ḳhudā vo dard-e-mohabbat har ek ko baḳhshe

    ki jis meñ ruuh taskīn bhī paa.ī jaatī hai

    vo mai-kada hai tirī anjuman ḳhudā rakkhe

    jahāñ ḳhayāl se pahle pilā.ī jaatī hai

    tire huzūr ye kyā vārdāt-e-qalb hai aaj

    ki jaise chāñd pe badlī chhā.ī jaatī hai

    tujhe ḳhabar ho to itnī na fursat-e-ġham de

    ki terī yaad bhī aksar satā.ī jaatī hai

    vo chiiz kahte haiñ firdaus-e-gum-shuda jis ko

    kabhī kabhī tirī āñkhoñ meñ paa.ī jaatī hai

    qarīb manzil-e-āḳhir hai al-firāq 'jigar'

    safar tamām huā niiñd aa.ī jaatī hai

    naqab-e-husn-e-do-alam uThai jati hai

    mujhi ko meri tajalli dikhai jati hai

    qadam qadam meri himmat baDhai jati hai

    nafas nafas teri aahaT si pai jati hai

    wo ek nazar jo ba-mushkil uThai jati hai

    wahi nazar rag-o-pai mein samai jati hai

    sukun hai maut yahan zauq-e-justuju ke liye

    ye tishnagi wo nahin jo bujhai jati hai

    KHuda wo dard-e-mohabbat har ek ko baKHshe

    ki jis mein ruh ki taskin bhi pai jati hai

    wo mai-kada hai teri anjuman KHuda rakkhe

    jahan KHayal se pahle pilai jati hai

    tere huzur ye kya wardat-e-qalb hai aaj

    ki jaise chand pe badli si chhai jati hai

    tujhe KHabar ho to itni na fursat-e-gham de

    ki teri yaad bhi aksar satai jati hai

    wo chiz kahte hain firdaus-e-gum-shuda jis ko

    kabhi kabhi teri aankhon mein pai jati hai

    qarib manzil-e-aKHir hai al-firaq 'jigar'

    safar tamam hua nind aai jati hai

    RECITATIONS

    Khalid Mubashshir

    Khalid Mubashshir

    Khalid Mubashshir

    naqab-e-husn-e-do-alam uThai jati hai Khalid Mubashshir

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites