نرمیاں ہیں تمہاری بولی میں
اور پتھر پڑے ہیں جھولی میں
سج گئی میری سوچ کی دھرتی
رنگ اس نے بھرے رنگولی میں
یوں ہوا پھر پگھل گیا منظر
صبح سورج اگا جو کھولی میں
دھرم جاتی سے آپ کی پہچان
آدمی ہے ہماری ٹولی میں
میرے دامن کے داغ دیکھے کون
سب یہاں ہیں نہائے ہولی میں
چار جانب اجالا پھیلا ہے
چاند چمکا کسی کی چولی میں
بوریے بچھ گئے محبت سے
آپ آئے ہماری کھولی میں
مأخذ:
غزلستان برار (Pg. 215)
-
- ناشر: ساجد اردو پریس، اکولہ
- سن اشاعت: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
