نوبت اپنی تو جان تک پہنچی

جوشش عظیم آبادی

نوبت اپنی تو جان تک پہنچی

جوشش عظیم آبادی

MORE BY جوشش عظیم آبادی

    نوبت اپنی تو جان تک پہنچی

    حیف اس کے نہ کان تک پہنچی

    دل کے ٹکڑے ہیں یہ ستارے نہ ہوں

    آہ لے آسمان تک پہنچی

    ہے وہ آزردہ بات شکوے کی

    کیا کسی مہربان تک پہنچی

    مفت فرسودہ ہوئی یہ پیشانی

    نہ ترے آستان تک پہنچی

    دشمنی مجھ سے تیری تیغ نے کی

    دوستی امتحان تک پہنچی

    آتش عشق نے جو سر کھینچا

    حسن کے دودمان تک پہنچی

    بار غم جب کسی سے اٹھ نہ سکا

    نوبت اس ناتوان تک پہنچی

    تیرے مقتول کا ہے کام تمام

    کارواں استخوان تک پہنچی

    آتش گل سے جلتی مثل شرر

    عندلیب آشیان تک پہنچی

    کوئی سرگشتہ یاد آ ہی گیا

    تیغ اس کی جو سان تک پہنچی

    دیکھتے اس کو محو تھے ؔجوشش

    کب شکایت زبان تک پہنچی

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY