naumid kare dil ko na manzil ka pata de
naumīd kare dil ko na manzil kā patā de
ai rah-guzar-e-ishq tire kyā haiñ irāde
har raat guzartā hai koī dil kī galī se
oḌhe hue yādoñ ke pur-asrār libāde
ban jaatā huuñ sar-tā-ba-qadam dast-e-tamannā
Dhal jaate haiñ ashkoñ meñ magar shauq irāde
us chashm-e-fusūñ-gar meñ nazar aatī hai aksar
ik ātish-e-ḳhāmosh ki jo dil ko jalā de
āzurda-e-ulfat ko ġham-e-zindagī jaise
tapte hue jañgal meñ koī aag lagā de
yādoñ ke mah-o-mehr tamannāoñ ke bādal
kyā kuchh na vo sauġhāt sar-e-dasht-e-vafā de
yaad aatī hai us husn kī yuuñ 'ja.afarī' jaise
tanhā.ī ke ġhāroñ se koī ḳhud ko sadā de
naumid kare dil ko na manzil ka pata de
ai rah-guzar-e-ishq tere kya hain irade
har raat guzarta hai koi dil ki gali se
oDhe hue yaadon ke pur-asrar libaade
ban jata hun sar-ta-ba-qadam dast-e-tamanna
Dhal jate hain ashkon mein magar shauq irade
us chashm-e-fusun-gar mein nazar aati hai aksar
ek aatish-e-KHamosh ki jo dil ko jala de
aazurda-e-ulfat ko gham-e-zindagi jaise
tapte hue jangal mein koi aag laga de
yaadon ke mah-o-mehr tamannaon ke baadal
kya kuchh na wo saughat sar-e-dasht-e-wafa de
yaad aati hai us husn ki yun 'jafari' jaise
tanhai ke ghaaron se koi KHud ko sada de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
