nazar dekhte hain jigar dekhte hain

Aali Gopalpuri

nazar dekhte hain jigar dekhte hain

Aali Gopalpuri

MORE BYAali Gopalpuri

    nazar dekhte haiñ jigar dekhte haiñ

    tujhe har taraf jalva-gar dekhte haiñ

    vo hans kar adā se jidhar dekhte haiñ

    zamāne ko zer-o-zabar dekhte haiñ

    yahī haiñ jo ḳhud-bīniyāñ to tumhīñ ko

    lagegī tumhārī nazar dekhte haiñ

    rahī jab na paañv uThāne tāqat

    khule aaj zindāñ ke dar dekhte haiñ

    kahīñ aa bhī o sub.h-e-ummīd-e-ālam

    tirī raah murġh-e-sahar dekhte haiñ

    palaT kar vo aa.e haiñ mayyat se merī

    yahī ḳhvāb ham raat bhar dekhte haiñ

    jo mumkin nahīñ tere dar tak rasā.ī

    to baiThe tirī rahguzar dekhte haiñ

    kahīñ baaġh meñ gar bhaḌakte haiñ sho.ale

    to ghabrā ke ham bāl-o-par dekhte haiñ

    chamakte haiñ jab āsmāñ par sitāre

    to ham apne dāġh-e-jigar dekhte haiñ

    nazar dekhte hain jigar dekhte hain

    tujhe har taraf jalwa-gar dekhte hain

    wo hans kar ada se jidhar dekhte hain

    zamane ko zer-o-zabar dekhte hain

    yahi hain jo KHud-biniyan to tumhin ko

    lagegi tumhaari nazar dekhte hain

    rahi jab na panw uThane ki taqat

    khule aaj zindan ke dar dekhte hain

    kahin aa bhi o subh-e-ummid-e-alam

    teri rah murgh-e-sahar dekhte hain

    palaT kar wo aae hain mayyat se meri

    yahi KHwab hum raat bhar dekhte hain

    jo mumkin nahin tere dar tak rasai

    to baiThe teri rahguzar dekhte hain

    kahin bagh mein gar bhaDakte hain shoale

    to ghabra ke hum baal-o-par dekhte hain

    chamakte hain jab aasman par sitare

    to hum apne dagh-e-jigar dekhte hain

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now