nazar uThi hai jidhar bhi udhar tamasha hai
nazar uThī hai jidhar bhī udhar tamāshā hai
bashar ke vāste jaise bashar tamāshā hai
zamīñ Thahartī nahīñ apne paañv ke nīche
paḌāv apnā hai jis meñ vo ghar tamāshā hai
yahāñ qayām karegā na mustaqil koī
zarā sī der rukegā agar tamāshā hai
figār ho ke bhī rakkhegā ābrū-e-numū
nigāh-e-zar meñ jo dast-e-hunar tamāshā hai
ai mausamoñ ke ḳhudā bhed ye khule āḳhir
nigāh-e-shāḳh meñ kaise shajar tamāshā hai
na bāl-o-par haiñ mayassar na izn-e-goyā.ī
to is ke ma.anī haiñ apnī sahar tamāshā hai
milā 'nisār-turābī' sarā-e-hairat se
vo aa.inā jise apnī nazar tamāshā hai
nazar uThi hai jidhar bhi udhar tamasha hai
bashar ke waste jaise bashar tamasha hai
zamin Thaharti nahin apne panw ke niche
paDaw apna hai jis mein wo ghar tamasha hai
yahan qayam karega na mustaqil koi
zara si der rukega agar tamasha hai
figar ho ke bhi rakkhega aabru-e-numu
nigah-e-zar mein jo dast-e-hunar tamasha hai
ai mausamon ke KHuda bhed ye khule aaKHir
nigah-e-shaKH mein kaise shajar tamasha hai
na baal-o-par hain mayassar na izn-e-goyai
to is ke mani hain apni sahar tamasha hai
mila 'nisar-turabi' sara-e-hairat se
wo aaina jise apni nazar tamasha hai
Source:
Pakistani Adab (Pg. 702)
- Author: Dr. Rashid Amjad
-
- Edition: 2009
- Publisher: Pakistan Academy of Letters, Islambad, Pakistan
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
