nigah-e-dil se jo guzra to phir sitara hua

nigāh-e-dil se jo guzrā to phir sitāra huā

vo chāñd mere suḳhan kā jo isti.āra huā

tumhāre diid se pahle vo ek manzar thā

tumhārī aañkh ne dekhā to ik nazāra huā

zamīn-e-dil pe suḳhan kā nuzūl hotā rahā

kisī nazar ke hunar kā jūñhī ishāra huā

suḳhan ye shab kā guzārī huī vo sub.h-e-visāl

hayāt-e-husn kā itnā hī goshvāra huā

vo rang-sāz rahā ġharq fikr-e-rangīñ meñ

vo husn-e-zīst meñ ik dil-nashīñ idāra huā

vo yuuñ tulūa huā le ke aks-e-tābinda

ki jaise jhiil meñ ik chāñd ho utārā huā

vo shāhzāda mohabbat ke pairahan meñ Dhalā

vo ḳhud-sarī-o-anā-o-ġhurūr haarā huā

nigah-e-dil se jo guzra to phir sitara hua

wo chand mere suKHan ka jo istiara hua

tumhaare did se pahle wo ek manzar tha

tumhaari aankh ne dekha to ek nazara hua

zamin-e-dil pe suKHan ka nuzul hota raha

kisi nazar ke hunar ka junhi ishaara hua

suKHan ye shab ka guzari hui wo subh-e-visal

hayat-e-husn ka itna hi goshwara hua

wo rang-saz raha gharq fikr-e-rangin mein

wo husn-e-zist mein ek dil-nashin idara hua

wo yun tulua hua le ke aks-e-tabinda

ki jaise jhil mein ek chand ho utara hua

wo shahzada mohabbat ke pairahan mein Dhala

wo KHud-sari-o-ana-o-ghurur haara hua