نگاہ ناز سے کچھ اس طرح اشارے ہوئے

نگاہ ناز سے کچھ اس طرح اشارے ہوئے

کبھی وہ صورت گل اور کبھی ستارے ہوئے

تھکے تھکے سے چلے آئے ہم سر محفل

قدم قدم رخ روشن پہ غم سنوارے ہوئے

وہ پھول جو کہ امانت تھے اشک اول کے

چمن میں جیسے کسی شاخ سے اتارے ہوئے

بھنور سے کوئی شکایت نہیں رہی ہم کو

ہمارے بس میں کنارے ہی کب کنارے ہوئے

کہ درد دل سے گزر کر کہاں پنہ ملی

اب اور بھی دل پر سوز کے سہارے ہوئے

مرے نصیب نے دکھلائے رنگ یوں ریشمؔ

جنہیں میں پھول سمجھتی تھی سب شرارے ہوئے