nigah-e-yar se hota hai wo KHumar mujhe
nigāh-e-yār se hotā hai vo ḳhumār mujhe
ki rut ḳhizāñ kī bhī lagne lage bahār mujhe
fasīl-e-ishq pe rakkhā huā charāġh huuñ maiñ
havā-e-hijr kā rahtā hai intizār mujhe
judā.iyāñ haiñ muqaddar to phir gale kaise
likhe hue pe tujhe hai nā iḳhtiyār mujhe
faqat zabāñ se nā kah mujh ko zindagī apnī
maiñ zindagī huuñ tū achchhī tarah guzār mujhe
maiñ aa.ina thā kabhī ab to sirf shīsha huuñ
ye log dekhte rahte haiñ mere paar mujhe
nigah-e-yar se hota hai wo KHumar mujhe
ki rut KHizan ki bhi lagne lage bahaar mujhe
fasil-e-ishq pe rakkha hua charagh hun main
hawa-e-hijr ka rahta hai intizar mujhe
judaiyan hain muqaddar to phir gale kaise
likhe hue pe tujhe hai na iKHtiyar mujhe
faqat zaban se na kah mujh ko zindagi apni
main zindagi hun tu achchhi tarah guzar mujhe
main aaina tha kabhi ab to sirf shisha hun
ye log dekhte rahte hain mere par mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
