aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

nind chubhne lagi hai aankhon mein

Khaleel Mamoon

nind chubhne lagi hai aankhon mein

Khaleel Mamoon

MORE BYKhaleel Mamoon

    niiñd chubhne lagī hai āñkhoñ meñ

    kab talak jāgnā hai rātoñ meñ

    tum agar yūñhī baat karte rahe

    biit jā.egā vaqt bātoñ meñ

    uñgliyāñ ho ga.iiñ figār apnī

    chhup gayā hai gulāb kāñToñ meñ

    shāyad apnā pata bhī mil jaa.e

    jhāñktā huuñ tirī nigāhoñ meñ

    sab hai tere savāl meñ pinhāñ

    kuchh nahīñ hai mire javāboñ meñ

    jo nahīñ mil sakā haqīqat meñ

    DhūñDhtā phir rahā huuñ ḳhvāboñ meñ

    faisla to tumhīñ ko karnā hai

    dekhte kyā ho tum gavāhoñ meñ

    maslahat-kosh ho gayā 'māmūn'

    ghir ke tanqīd karne vāloñ meñ

    nind chubhne lagi hai aankhon mein

    kab talak jagna hai raaton mein

    tum agar yunhi baat karte rahe

    bit jaega waqt baaton mein

    ungliyan ho gain figar apni

    chhup gaya hai gulab kanTon mein

    shayad apna pata bhi mil jae

    jhankta hun teri nigahon mein

    sab hai tere sawal mein pinhan

    kuchh nahin hai mere jawabon mein

    jo nahin mil saka haqiqat mein

    DhunDhta phir raha hun KHwabon mein

    faisla to tumhin ko karna hai

    dekhte kya ho tum gawahon mein

    maslahat-kosh ho gaya 'mamun'

    ghir ke tanqid karne walon mein

    Source:

    Sanson Ke Paar (Pg. 21)

    • Author: Khalil Mamoon
      • Edition: 2015
      • Publisher: Educational Publishing House, Delhi
      • Year of Publication: 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now