nikal paDe hain jo teri KHatir unhin pe tera itab kyon hai

nikal paḌe haiñ jo terī ḳhātir unhīñ pe terā 'itāb kyoñ hai

saroñ pe sūraj diloñ meñ uljhan nazar sarāsar sarāb kyoñ hai

tamām samteñ tamām raste tamām naqsh-o-nigār tere

zamīñ bhī terī falak bhī terā to phir masāfat 'azāb kyoñ hai

koī sikandar koī qalandar kabhī na pal bhar ko rok paayā

samand-e-'umr-e-ravāñ hamesha se be-zamām-o-rikāb kyoñ hai

zamāne bhar ke dukhoñ ko bāñTūñ ki apnī bechārgī ko ro.uuñ

mire hī dāman meñ sab kā sahrā mujhī se barham sahāb kyoñ hai

siyāh bādal ḳhunuk havā.eñ ghanā añdherā tavīl rasta

abhī to 'azm-e-safar kiyā hai abhī se mausam ḳharāb kyoñ hai

nikal paDe hain jo teri KHatir unhin pe tera 'itab kyon hai

saron pe suraj dilon mein uljhan nazar sarasar sarab kyon hai

tamam samten tamam raste tamam naqsh-o-nigar tere

zamin bhi teri falak bhi tera to phir masafat 'azab kyon hai

koi sikandar koi qalandar kabhi na pal bhar ko rok paya

samand-e-'umr-e-rawan hamesha se be-zamam-o-rikab kyon hai

zamane bhar ke dukhon ko banTun ki apni bechaargi ko roun

mere hi daman mein sab ka sahra mujhi se barham sahab kyon hai

siyah baadal KHunuk hawaen ghana andhera tawil rasta

abhi to 'azm-e-safar kiya hai abhi se mausam KHarab kyon hai