nisar-e-shama hone bazm mein parwana aa pahuncha

Piyare Lal Raunaq Dehlwi

nisar-e-shama hone bazm mein parwana aa pahuncha

Piyare Lal Raunaq Dehlwi

MORE BYPiyare Lal Raunaq Dehlwi

    nisār-e-sham.a hone bazm meñ parvāna aa pahuñchā

    qarīb-e-manzil-e-dīvangī dīvāna aa pahuñchā

    tarāne hamd ke gulshan meñ barg-e-gul se suntā huuñ

    zabān-e-ġhuncha pe kyūñkar tirā afsāna aa pahuñchā

    ise kahte haiñ mil kar ḳhaak meñ iksīr ho jaanā

    huā sarsabz vo zer-e-zamīñ jo daana aa pahuñchā

    safar is bazm se karne ko phir raj.at Thānī hai

    gale phir aaj milne sham.a se parvāna aa pahuñchā

    raqam hai dāstān-e-ishq-e-bulbul patte patte par

    guloñ tak kis tarah gulshan meñ ye afsāna aa pahuñchā

    khiñchī thī kyā tirī tasvīr tarkīb-e-anāsir se

    ki musht-e-ḳhāk meñ andāz-e-māshūqāna aa pahuñchā

    parastār-e-sanam ho kar jo DhūñDī raah ka.aba

    qadam bahkā huā apnā sar-e-mai-ḳhāna aa pahuñchā

    baneñge aaj phir sarmast sahbā-e-suḳhan 'raunaq'

    qadam phir apnā qurb-e-mahfil-e-rindāna aa pahuñchā

    nisar-e-shama hone bazm mein parwana aa pahuncha

    qarib-e-manzil-e-diwangi diwana aa pahuncha

    tarane hamd ke gulshan mein barg-e-gul se sunta hun

    zaban-e-ghuncha pe kyunkar tera afsana aa pahuncha

    ise kahte hain mil kar KHak mein iksir ho jaana

    hua sarsabz wo zer-e-zamin jo dana aa pahuncha

    safar is bazm se karne ko phir rajat ki Thani hai

    gale phir aaj milne shama se parwana aa pahuncha

    raqam hai dastan-e-ishq-e-bulbul patte patte par

    gulon tak kis tarah gulshan mein ye afsana aa pahuncha

    khinchi thi kya teri taswir tarkib-e-anasir se

    ki musht-e-KHak mein andaz-e-mashuqana aa pahuncha

    parastar-e-sanam ho kar jo DhunDi rah kaba ki

    qadam bahka hua apna sar-e-mai-KHana aa pahuncha

    banenge aaj phir sarmast sahba-e-suKHan 'raunaq'

    qadam phir apna qurb-e-mahfil-e-rindana aa pahuncha

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY