nisbat hi kisi se hai na rakhte hain hawale
nisbat hī kisī se hai na rakhte haiñ havāle
haañ ham ne jalā Daale haiñ rishtoñ ke qabāle
be-rūh haiñ alfāz kaheñ bhī to kaheñ kyā
hai kaun jo mā'nā ke samundar ko khañgāle
jis samt bhī jā.ūñ maiñ bikhar jaane kā Dar hai
is ḳhauf-e-musalsal se mujhe kaun nikāle
maiñ dasht-e-tamannā meñ bas ik baar ga.ī thī
us vaqt se riste haiñ mire paañv ke chhāle
be-chehra sahī phir bhī haqīqat hai haqīqat
sikka to nahīñ hai jo koī is ko uchhāle
'sarvat' ko añdheroñ se Darā.egā koī kyā
vo saath liye aa.ī hai qadmoñ ke ujāle
nisbat hi kisi se hai na rakhte hain hawale
han hum ne jala Dale hain rishton ke qabaale
be-ruh hain alfaz kahen bhi to kahen kya
hai kaun jo ma'na ke samundar ko khangale
jis samt bhi jaun main bikhar jaane ka Dar hai
is KHauf-e-musalsal se mujhe kaun nikale
main dasht-e-tamanna mein bas ek bar gai thi
us waqt se riste hain mere panw ke chhaale
be-chehra sahi phir bhi haqiqat hai haqiqat
sikka to nahin hai jo koi is ko uchhaale
'sarwat' ko andheron se Daraega koi kya
wo sath liye aai hai qadmon ke ujale
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
