pa-e-talab ki manzil ab tak wahi gali hai

Urooj Zaidi Badayuni

pa-e-talab ki manzil ab tak wahi gali hai

Urooj Zaidi Badayuni

MORE BYUrooj Zaidi Badayuni

    pā-e-talab manzil ab tak vahī galī hai

    āġhāz bhī yahī thā anjām bhī yahī hai

    jis dāstān-e-ġham unvān raushnī hai

    har lafz siyāhī ḳhud muñh se boltī hai

    tarz-e-tapāk qaa.em lutf-e-nazar vahī hai

    lekin ye vāqi.a hai phir bhī koī kamī hai

    un nazar se dil ye bahs ho rahī hai

    kyā chiiz zindagī meñ maqsūd-e-zindagī hai

    har laġhzish-e-bashar par tanqīd karne vaalo

    tum ye bhulā chuke ho insān aadmī hai

    ye sāzish-e-taġhayyur hai kitnī jān-levā

    mujh ko jagā ke merī taqdīr so ga.ī hai

    haañ mere vāste hai taḳhsīs ye pahlū

    duniyā samajh rahī hai andāz-e-be-ruḳhī hai

    mumkin nahīñ ki dāman be-dāġh ho kisī

    sach pūchhiye to duniyā kājal koTharī hai

    tābinda har-nafas hai ummīd badaulat

    mehrāb-e-zindagī meñ ik sham.a jal rahī hai

    dekhe to koī shān-e-sahar-e-nigāh-e-sāqī

    sāġhar meñ khiñch ke rūh-e-mai-e-ḳhāna aa ga.ī hai

    vabasta-e-nafas hai nazm-o-nizām-e-hastī

    ya.anī havā pe qaa.em buniyād=-e-zindagī hai

    kab tak ye ḳhvāb-e-ġhaflat jaago 'urūj' jaago

    ab dhuup baḌhte baḌhte sar par aa ga.ī hai

    pa-e-talab ki manzil ab tak wahi gali hai

    aaghaz bhi yahi tha anjam bhi yahi hai

    jis dastan-e-gham ka unwan raushni hai

    har lafz ki siyahi KHud munh se bolti hai

    tarz-e-tapak qaem lutf-e-nazar wahi hai

    lekin ye waqia hai phir bhi koi kami hai

    un ki nazar se dil ki ye bahs ho rahi hai

    kya chiz zindagi mein maqsud-e-zindagi hai

    har laghzish-e-bashar par tanqid karne walo

    tum ye bhula chuke ho insan aadmi hai

    ye sazish-e-taghayyur hai kitni jaan-lewa

    mujh ko jaga ke meri taqdir so gai hai

    han mere waste hai taKHsis ka ye pahlu

    duniya samajh rahi hai andaz-e-be-ruKHi hai

    mumkin nahin ki daman be-dagh ho kisi ka

    sach puchhiye to duniya kajal ki koThari hai

    tabinda har-nafas hai ummid ki badaulat

    mehrab-e-zindagi mein ek shama jal rahi hai

    dekhe to koi shan-e-sahar-e-nigah-e-saqi

    saghar mein khinch ke ruh-e-mai-e-KHana aa gai hai

    wabasta-e-nafas hai nazm-o-nizam-e-hasti

    yani hawa pe qaem buniyaad=-e-zindagi hai

    kab tak ye KHwab-e-ghaflat jago 'uruj' jago

    ab dhup baDhte baDhte sar par hi aa gai hai

    Source:

    • Book : Lahje ke Chiraag (Pg. 89)
    • Author : Urooj Zaidi
    • Publication : Irfan Zaidi, Rampur (1989)
    • Edition : 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY