pain har ek rah-guzar par udasiyan

Ameer Qazalbash

pain har ek rah-guzar par udasiyan

Ameer Qazalbash

MORE BYAmeer Qazalbash

    pā.īñ har ek rāh-guzar par udāsiyāñ

    niklī huī haiñ kab se safar par udāsiyāñ

    ḳhvābīda shahr jāgne vaalā hai lauT aao

    baiThī huī haiñ shaam se ghar par udāsiyāñ

    maiñ ḳhauf se laraztā rahā paḌh nahīñ sakā

    phailī huī thiiñ ek ḳhabar par udāsiyāñ

    sūraj ke haath sabz qabāoñ tak aa ga.e

    ab haiñ yahāñ har ek shajar par udāsiyāñ

    apne bhī ḳhatt-o-ḳhāl nigāhoñ meñ ab nahīñ

    is tarah chhā ga.ī haiñ nazar par udāsiyāñ

    phailā rahā hai kaun kabhī sochtā huuñ maiñ

    ḳhvāboñ ke ek ek nagar par udāsiyāñ

    sab log ban ga.e haiñ agar ajnabī to kyā

    chhoḌ ā.eñgī mujhe mire dar par udāsiyāñ

    pain har ek rah-guzar par udasiyan

    nikli hui hain kab se safar par udasiyan

    KHwabida shahr jagne wala hai lauT aao

    baiThi hui hain sham se ghar par udasiyan

    main KHauf se larazta raha paDh nahin saka

    phaili hui thin ek KHabar par udasiyan

    suraj ke hath sabz qabaon tak aa gae

    ab hain yahan har ek shajar par udasiyan

    apne bhi KHatt-o-KHal nigahon mein ab nahin

    is tarah chha gai hain nazar par udasiyan

    phaila raha hai kaun kabhi sochta hun main

    KHwabon ke ek ek nagar par udasiyan

    sab log ban gae hain agar ajnabi to kya

    chhoD aaengi mujhe mere dar par udasiyan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY