pani se dur rah ke bhi tairak ho gae

paanī se duur rah ke bhī tairāk ho ga.e

ab sāda-lauh log bhī chālāk ho ga.e

mānind-e-barq yā ki thā vo sūrat-e-sharar

aise nazar uThā.ī ki ham ḳhaak ho ga.e

mushkil na thī to Darte nahīñ the kisī se ham

mushkil meñ aa ke aur bhī bebāk ho ga.e

tanhā rahe to ḳhud kā pata thā na ġhaib kā

un se mile to sāhib-e-idrāk ho ga.e

ham ko achhūt jaan ke dekho na duur se

chhū kar hameñ bhī log ka.ī paak ho ga.e

kī bandagī rasūl-e-ḳhudā kī to dekhiye

ham bhī 'ḳhayāl' shā'ir-e-laulāk ho ga.e

pani se dur rah ke bhi tairak ho gae

ab sada-lauh log bhi chaalak ho gae

manind-e-barq ya ki tha wo surat-e-sharar

aise nazar uThai ki hum KHak ho gae

mushkil na thi to Darte nahin the kisi se hum

mushkil mein aa ke aur bhi bebak ho gae

tanha rahe to KHud ka pata tha na ghaib ka

un se mile to sahib-e-idrak ho gae

hum ko achhut jaan ke dekho na dur se

chhu kar hamein bhi log kai pak ho gae

ki bandagi rasul-e-KHuda ki to dekhiye

hum bhi 'KHayal' sha'ir-e-laulak ho gae