paoge baDi shohrat gar kaam ye kar jao
pāoge baḌī shohrat gar kaam ye kar jaao
jiinā nahīñ aatā to ḳhāmoshī se mar jaao
yuuñ TūTnā vaise to achchhā nahīñ hotā hai
ab Tuut ga.e ho to har samt bikhar jaao
ye haal huā hai to kis kaam kā mustaqbil
maazī ke samundar meñ chupke se utar jaao
tabdili-e-mausam ko jaa.eñ to kahāñ jaa.eñ
sab ek sā mausam hai is vaqt jidhar jaao
jab aa hī ga.e us ke kūche se guzar kar ab
jaldī se lage hāthoñ jaañ se bhī guzar jaao
vaise to muzir hogā ḳhvāboñ kī taraf jaanā
phir lauT ke mat aanā bil-farz agar jaao
yuuñ aa ke falak par tum ḳhāmosh 'shujā' kyoñ ho
yā toḌ lo tāroñ ko yā lauT ke ghar jaao
paoge baDi shohrat gar kaam ye kar jao
jina nahin aata to KHamoshi se mar jao
yun TuTna waise to achchha nahin hota hai
ab Tut gae ho to har samt bikhar jao
ye haal hua hai to kis kaam ka mustaqbil
mazi ke samundar mein chupke se utar jao
tabdili-e-mausam ko jaen to kahan jaen
sab ek sa mausam hai is waqt jidhar jao
jab aa hi gae us ke kuche se guzar kar ab
jaldi se lage hathon jaan se bhi guzar jao
waise to muzir hoga KHwabon ki taraf jaana
phir lauT ke mat aana bil-farz agar jao
yun aa ke falak par tum KHamosh 'shuja' kyon ho
ya toD lo taron ko ya lauT ke ghar jao
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
