پارسا تو پارسائی پر نہ کر اتنا غرور
پارسا تو پارسائی پر نہ کر اتنا غرور
میں اگر بندہ ہوں عاصی پر مرا مولیٰ غفور
ماسوا دیدار خواہش ہے مجھے کس چیز کی
تو پڑا پھرتا ہے جنت ڈھونڈھتا حور و قصور
میں اگرچہ رند ہوں تو آپ کو میں آپ کو
زہد سے تیرے مجھے مطلب نہ کچھ کار ضرور
تیرے تئیں غرہ ہے اپنی پارسائی زہد کا
میرے تئیں اللہ کے فضل و کرم سے ہے سرور
رند کے مشرب پر اے زاہد تبسم مت کرے
بھید اس کا کچھ نہ پاوے گا تو ہے معنی سے دور
زخم تیغ ابرو سہہ جاوے نہ تجھ سے بوالہوس
ایک شمع سے ہوا تھا جس کے سرمہ کوہ طور
چوتڑ اوپر سر جھکانا اس کو تو سمجھا ہے فخر
ہے نہیں قابل تو فضل اللہ کا اے بے شعور
کیا تجھے معلوم ہے دیر و حرم کی ایک راہ
بت پرستی اس جگہ اور اس جگہ ہے یک امور
دم غنیمت ہے تو ہر دم یاد میں لے دم کے تئیں
ذکر دائم آفریدیؔ ہو چراغ اندر قبور
مأخذ:
Deewan-e-Qasim Ali Khan Aafreedi (Pg. e-121 p-83)
- مصنف: قاسم علی خان آفریدی
-
- اشاعت: 1971
- ناشر: پشتو اکیڈمی، پیشاور
- سن اشاعت: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
