pas munsif ke agar sachche hawale jate

paas munsif ke agar sachche havāle jaate

kaise mumkin thā ki zindān meñ Daale jaate

dil meñ aatā hai ki maañ kaash tū zinda hotī

tere hāthoñ se mire muñh meñ nivāle jaate

dar-ba-dar aise nahīñ hote tirī furqat meñ

ham tirī bāñhoñ meñ hote to sañbhāle jaate

sham'-e-ulfat jo tire dil meñ farozāñ hotī

to bahut duur talak tere ujāle jaate

hijr kā naag hī kaafī hai mujhe Dasne ko

nit-na.e mujh se sañpole nahīñ paale jaate

tujh se gar pyaar na hotā to mire parda-nashīñ

justujū meñ na tirī dasht khañgāle jaate

ḳhūbiyoñ hī ke sabab tum ne agar saath diyā

phir to behtar thā mire 'aib uchhāle jaate

ham bhī 'shahzād' the majnūñ ke muqallid varna

kis liye ham tire kūche se nikāle jaate

pas munsif ke agar sachche hawale jate

kaise mumkin tha ki zindan mein Dale jate

dil mein aata hai ki man kash tu zinda hoti

tere hathon se mere munh mein niwale jate

dar-ba-dar aise nahin hote teri furqat mein

hum teri banhon mein hote to sanbhaale jate

sham'-e-ulfat jo tere dil mein farozan hoti

to bahut dur talak tere ujale jate

hijr ka nag hi kafi hai mujhe Dasne ko

nit-nae mujh se sanpole nahin pale jate

tujh se gar pyar na hota to mere parda-nashin

justuju mein na teri dasht khangale jate

KHubiyon hi ke sabab tum ne agar sath diya

phir to behtar tha mere 'aib uchhaale jate

hum bhi 'shahzad' the majnun ke muqallid warna

kis liye hum tere kuche se nikale jate