pahle jaisa rang-e-baam-o-dar nahin lagta mujhe

pahle jaisā rañg-e-bām-o-dar nahīñ lagtā mujhe

ab to apnā ghar bhī apnā ghar nahīñ lagtā mujhe

lagtī hogī tujh ko bhī merī nazar badlī huī

terā paikar bhī tirā paikar nahīñ lagtā mujhe

kyā kahūñ is zulf se vābastagī kā fā.eda

ab añdherī raat meñ bhī Dar nahīñ lagtā mujhe

mujh ko zaḳhmī kar nahīñ saktā koī dast-e-sitam

maiñ nadī kā chāñd huuñ patthar nahīñ lagtā mujhe

sunnat-e-shāh-e-umam kā huuñ maiñ lazzat-āshnā

ḳhaak se behtar koī bistar nahīñ lagtā mujhe

jab se dastār-e-fazīlat paa.ī hai darbār meñ

jaane kī shānoñ pe apnā sar nahīñ lagtā mujhe

haiñ suḳhanvar 'nāz' achchhe aur bhī is daur meñ

koī 'dānish' kā magar ham-sar nahīñ lagtā mujhe

pahle jaisa rang-e-baam-o-dar nahin lagta mujhe

ab to apna ghar bhi apna ghar nahin lagta mujhe

lagti hogi tujh ko bhi meri nazar badli hui

tera paikar bhi tera paikar nahin lagta mujhe

kya kahun is zulf se wabastagi ka faeda

ab andheri raat mein bhi Dar nahin lagta mujhe

mujh ko zaKHmi kar nahin sakta koi dast-e-sitam

main nadi ka chand hun patthar nahin lagta mujhe

sunnat-e-shah-e-umam ka hun main lazzat-ashna

KHak se behtar koi bistar nahin lagta mujhe

jab se dastar-e-fazilat pai hai darbar mein

jaane ki shanon pe apna sar nahin lagta mujhe

hain suKHanwar 'naz' achchhe aur bhi is daur mein

koi 'danish' ka magar ham-sar nahin lagta mujhe