pahle jo mera rang tha ab wo nahin raha

pahle jo merā rañg thā ab vo nahīñ rahā

mailā kiyā hai jis ne vahī dho nahīñ rahā

jaagā huā hai dil meñ koī dard-e-be-karāñ

lorī sunā rahā huuñ magar so nahīñ rahā

socho zarā ye kitnī aziyyat kī baat hai

ham mar rahe haiñ aur koī ro nahīñ rahā

ya.anī churā ke le hī gayā hai mujhe vo shaḳhs

ā.īna kah rahā hai ki tū vo nahīñ rahā

nazdīk hai ki ab mujhe Das le siyāh raat

merā vajūd jaltā diyā jo nahīñ rahā

pahle jo mera rang tha ab wo nahin raha

maila kiya hai jis ne wahi dho nahin raha

jaga hua hai dil mein koi dard-e-be-karan

lori suna raha hun magar so nahin raha

socho zara ye kitni aziyyat ki baat hai

hum mar rahe hain aur koi ro nahin raha

yani chura ke le hi gaya hai mujhe wo shaKHs

aaina kah raha hai ki tu wo nahin raha

nazdik hai ki ab mujhe Das le siyah raat

mera wajud jalta diya jo nahin raha