pahle to lab pe harf-e-talab la ke rah gae

pahle to lab pe harf-e-talab lā ke rah ga.e

phir sādgī-e-shauq pe pachhtā ke rah ga.e

jaane nigāh-e-shauq ne kyā un se kah diyā

vo aaj bazm-e-nāz meñ sharmā ke rah ga.e

dekhī ga.ī na hashr meñ qātil kī bebasī

shikve mirī zabān tak aa aa ke rah ga.e

hoñToñ tak aa sakī na du'ā tark-e-'ishq kī

bā'd-e-namāz haath hī phailā ke rah ga.e

parde harīm-e-nāz ke uTh uTh ke gir ga.e

jalve nigāh-e-shauq tak aa aa ke rah ga.e

shoḳhī bhī thī karam bhī sharārat bhī naaz bhī

kyā jaane kyā nigāh se farmā ke rah ga.e

allah re dasht-e-shauq kī sabr-āzmā.iyāñ

do gaam saath 'aql-o-ḳhirad jā ke rah ga.e

kyūñkar payām-e-shauq pahuñchtā ki nāma-bar

bas āstān-e-yār talak jā ke rah ga.e

dīda-varān-e-‘asr haiñ mahrūm-e-husn-e-yār

yā'nī fareb-e-husn-e-nazar khā ke rah ga.e

soz-e-navā-e-‘soz’ kā 'ālam na pūchhiye

dam-sāz matla'-hā-e-ġhazal gā ke rah ga.e

pahle to lab pe harf-e-talab la ke rah gae

phir sadgi-e-shauq pe pachhta ke rah gae

jaane nigah-e-shauq ne kya un se kah diya

wo aaj bazm-e-naz mein sharma ke rah gae

dekhi gai na hashr mein qatil ki bebasi

shikwe meri zaban tak aa aa ke rah gae

honTon tak aa saki na du'a tark-e-'ishq ki

ba'd-e-namaz hath hi phaila ke rah gae

parde harim-e-naz ke uTh uTh ke gir gae

jalwe nigah-e-shauq tak aa aa ke rah gae

shoKHi bhi thi karam bhi shararat bhi naz bhi

kya jaane kya nigah se farma ke rah gae

allah re dasht-e-shauq ki sabr-azmaiyan

do gam sath 'aql-o-KHirad ja ke rah gae

kyunkar payam-e-shauq pahunchta ki nama-bar

bas aastan-e-yar talak ja ke rah gae

dida-waran-e-‘asr hain mahrum-e-husn-e-yar

ya'ni fareb-e-husn-e-nazar kha ke rah gae

soz-e-nawa-e-‘soz’ ka 'alam na puchhiye

dam-saz matla'-ha-e-ghazal ga ke rah gae