پہلے تو لب پہ حرف طلب لا کے رہ گئے
پہلے تو لب پہ حرف طلب لا کے رہ گئے
پھر سادگیٔ شوق پہ پچھتا کے رہ گئے
جانے نگاہ شوق نے کیا ان سے کہہ دیا
وہ آج بزم ناز میں شرما کے رہ گئے
دیکھی گئی نہ حشر میں قاتل کی بے بسی
شکوے مری زبان تک آ آ کے رہ گئے
ہونٹوں تک آ سکی نہ دعا ترک عشق کی
بعد نماز ہاتھ ہی پھیلا کے رہ گئے
پردے حریم ناز کے اٹھ اٹھ کے گر گئے
جلوے نگاہ شوق تک آ آ کے رہ گئے
شوخی بھی تھی کرم بھی شرارت بھی ناز بھی
کیا جانے کیا نگاہ سے فرما کے رہ گئے
اللہ رے دشت شوق کی صبر آزمائیاں
دو گام ساتھ عقل و خرد جا کے رہ گئے
کیوں کر پیام شوق پہنچتا کہ نامہ بر
بس آستان یار تلک جا کے رہ گئے
دیدہ وران عصر ہیں محروم حسن یار
یعنی فریب حسن نظر کھا کے رہ گئے
سوز نوائے سوزؔ کا عالم نہ پوچھیے
دم ساز مطلع ہائے غزل گا کے رہ گئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
