pahunch ke hum sar-e-manzil jinhen bhula na sake

Fareed Javed

pahunch ke hum sar-e-manzil jinhen bhula na sake

Fareed Javed

MORE BYFareed Javed

    pahuñch ke ham sar-e-manzil jinheñ bhulā na sake

    vo ham-safar the jo kuchh duur saath aa na sake

    tamām umr pashemāniyoñ meñ biit ga.ī

    ba-qadr-e-shauq mohabbat ke naaz uThā na sake

    mujhe ḳhayāl hai un dil-girafta kaliyoñ

    jinheñ nasīm-e-sahar chheḌ de khilā na sake

    kuchh aise dard bhī haiñ zindagī rāhoñ meñ

    jahāñ hijāb-e-tabassum bhī kaam aa na sake

    karam aas ke sāyoñ meñ bujh gayā vo charāġh

    havā-e-yās ke jhoñke jise bujhā na sake

    añdherī shab thī sitāroñ se kyā sukūñ miltā

    sitāre bhī to bahut der jagmagā na sake

    ġhazal ke husn ehsās us ko kyā 'jāved'

    ḳhulūs-e-narmī-e-guftār ko jo na sake

    pahunch ke hum sar-e-manzil jinhen bhula na sake

    wo ham-safar the jo kuchh dur sath aa na sake

    tamam umr pashemaniyon mein bit gai

    ba-qadr-e-shauq mohabbat ke naz uTha na sake

    mujhe KHayal hai un dil-girafta kaliyon ka

    jinhen nasim-e-sahar chheD de khila na sake

    kuchh aise dard bhi hain zindagi ki rahon mein

    jahan hijab-e-tabassum bhi kaam aa na sake

    karam ki aas ke sayon mein bujh gaya wo charagh

    hawa-e-yas ke jhonke jise bujha na sake

    andheri shab thi sitaron se kya sukun milta

    sitare bhi to bahut der jagmaga na sake

    ghazal ke husn ka ehsas us ko kya 'jawed'

    KHulus-e-narmi-e-guftar ko jo pa na sake

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY