paida kiya hai uDti hui KHak se mujhe

Rafiq Raaz

paida kiya hai uDti hui KHak se mujhe

Rafiq Raaz

MORE BYRafiq Raaz

    paidā kiyā hai uḌtī huī ḳhaak se mujhe

    nisbat yahī hai sarsar-e-saffāk se mujhe

    ab to asīr-e-gardish-e-lail-o-nahār huuñ

    muddat huī hai utre hue chaak se mujhe

    aa.egā koī kholegā band-e-qabā-e-harf

    degā najāt kāġhzī poshāk se mujhe

    duniyā hai ishva-sāz to maiñ huuñ makīn-e-zāt

    ḳhatra nahīñ hai is zan-e-bebāk se mujhe

    par phaḌphaḌā rahā huuñ basīrat ke daam meñ

    koī chhuḌā.e qabza-e-idrāk se mujhe

    rah jā.egī lakīr lahū zamīn par

    le jā.iye na bāñdh ke fitrāk se mujhe

    mujh se zamīn ḳhauf-zada hai 'rafīq-rāz'

    ye jāntī hai rabt hai aflāk se mujhe

    paida kiya hai uDti hui KHak se mujhe

    nisbat yahi hai sarsar-e-saffak se mujhe

    ab to asir-e-gardish-e-lail-o-nahaar hun

    muddat hui hai utre hue chaak se mujhe

    aaega koi kholega band-e-qaba-e-harf

    dega najat kaghzi poshak se mujhe

    duniya hai ishwa-saz to main hun makin-e-zat

    KHatra nahin hai is zan-e-bebak se mujhe

    par phaDphaDa raha hun basirat ke dam mein

    koi chhuDae qabza-e-idrak se mujhe

    rah jaegi lakir lahu ki zamin par

    le jaiye na bandh ke fitrak se mujhe

    mujh se zamin KHauf-zada hai 'rafiq-raaz'

    ye jaanti hai rabt hai aflak se mujhe

    Source :
    • Book : Nakhl-e-Aab (Pg. 77)
    • Author : Rafeeq Raaz
    • Publication : Takbeer Publications, Srinagar (2015)
    • Edition : 2015
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now