pal mein hi zat par utar aae

pal meñ hī zaat par utar aa.e

log auqāt par utar aa.e

be-sabab us ne chhū liyā shāyad

ham hī ḳhadshāt par utar aa.e

baat kyā kar lī hañs ke phir un se

vo savālāt par utar aa.e

koī jab boltā hai neze par

'ishq āyāt par utar aa.e

vo agar ḳhvāb meñ bhī aa jaa.e

dil mulāqāt par utar aa.e

paañv ġhurbat ne kyā rakhā ghar meñ

vo musāfāt par utar aa.e

yaad aate ho jab kabhī 'amjad'

aañkh barsāt par utar aa.e

pal mein hi zat par utar aae

log auqat par utar aae

be-sabab us ne chhu liya shayad

hum hi KHadshat par utar aae

baat kya kar li hans ke phir un se

wo sawalat par utar aae

koi jab bolta hai neze par

'ishq aayat par utar aae

wo agar KHwab mein bhi aa jae

dil mulaqat par utar aae

panw ghurbat ne kya rakha ghar mein

wo musafat par utar aae

yaad aate ho jab kabhi 'amjad'

aankh barsat par utar aae