پل میں ہی ذات پر اتر آئے
پل میں ہی ذات پر اتر آئے
لوگ اوقات پر اتر آئے
بے سبب اس نے چھو لیا شاید
ہم ہی خدشات پر اتر آئے
بات کیا کر لی ہنس کے پھر ان سے
وہ سوالات پر اتر آئے
کوئی جب بولتا ہے نیزے پر
عشق آیات پر اتر آئے
وہ اگر خواب میں بھی آ جائے
دل ملاقات پر اتر آئے
پاؤں غربت نے کیا رکھا گھر میں
وہ مسافات پر اتر آئے
یاد آتے ہو جب کبھی امجدؔ
آنکھ برسات پر اتر آئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
