parakh faza ki hawa ka jise hisab bhi hai
parakh fazā kī havā kā jise hisāb bhī hai
vo shaḳhs sāhab-e-fan bhī hai kāmyāb bhī hai
jo ruup aa.ī ko achchhā lage vo apnā leñ
hamārī shaḳhsiyat kāñTā bhī hai gulāb bhī hai
hamārā ḳhuun kā rishta hai sarhadoñ kā nahīñ
hamāre ḳhuun meñ gangā bhī hai chanāb bhī hai
hamārā daur añdheroñ kā daur hai lekin
hamāre daur kī muTThī meñ āftāb bhī hai
kisī ġharīb kī roTī pe apnā naam na likh
kisī ġharīb kī roTī meñ inqilāb bhī hai
mirā savāl koī 'aam sā savāl nahīñ
mirā savāl tirī baat kā javāb bhī hai
isī zamīn pe haiñ āḳhirī qadam apne
isī zamīn meñ boyā huā shabāb bhī hai
parakh faza ki hawa ka jise hisab bhi hai
wo shaKHs sahab-e-fan bhi hai kaamyab bhi hai
jo rup aai ko achchha lage wo apna len
hamari shaKHsiyat kanTa bhi hai gulab bhi hai
hamara KHun ka rishta hai sarhadon ka nahin
hamare KHun mein ganga bhi hai chanab bhi hai
hamara daur andheron ka daur hai lekin
hamare daur ki muTThi mein aaftab bhi hai
kisi gharib ki roTi pe apna nam na likh
kisi gharib ki roTi mein inqilab bhi hai
mera sawal koi 'am sa sawal nahin
mera sawal teri baat ka jawab bhi hai
isi zamin pe hain aaKHiri qadam apne
isi zamin mein boya hua shabab bhi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
