parbat tere pahlu mein agar khai nahin hai

Ehtisham Hasan

parbat tere pahlu mein agar khai nahin hai

Ehtisham Hasan

MORE BYEhtisham Hasan

    parbat tire pahlū meñ agar khaa.ī nahīñ hai

    kaahe bulandī jahāñ gahrā.ī nahīñ hai

    ab koī vahāñ is liye hotā nahīñ rusvā

    kūche meñ tire koī tamāshā.ī nahīñ hai

    hazrat jo ravādārī nazar aap meñ aa.ī

    kyoñ aap ke bachchoñ meñ nazar aa.ī nahīñ hai

    duniyā ne to us meñ bhī ka.ī naqs nikāle

    tasvīr jo maiñ ne abhī banvā.ī nahīñ hai

    is vāste bhī raushnī hai bā.is-e-vahshat

    āñkhoñ charāġhoñ se shanāsā.ī nahīñ hai

    ḳhud baañT ke ā.eñge vahāñ apnī sadā ham

    jis samt havāoñ ne ye pahuñchā.ī nahīñ hai

    shāyad ki har ik shaḳhs ko hotī hai mohabbat

    aur sab ye kahte haiñ ki dānā.ī nahīñ hai

    logoñ se 'hasan' kar ke ka.ī baar kināra

    dekhā hai kisī kaam tanhā.ī nahīñ hai

    parbat tere pahlu mein agar khai nahin hai

    kahe ki bulandi jahan gahrai nahin hai

    ab koi wahan is liye hota nahin ruswa

    kuche mein tere koi tamashai nahin hai

    hazrat jo rawadari nazar aap mein aai

    kyon aap ke bachchon mein nazar aai nahin hai

    duniya ne to us mein bhi kai naqs nikale

    taswir jo main ne abhi banwai nahin hai

    is waste bhi raushni hai bais-e-wahshat

    aankhon ki charaghon se shanasai nahin hai

    KHud banT ke aaenge wahan apni sada hum

    jis samt hawaon ne ye pahunchai nahin hai

    shayad ki har ek shaKHs ko hoti hai mohabbat

    aur sab hi ye kahte hain ki danai nahin hai

    logon se 'hasan' kar ke kai bar kinara

    dekha hai kisi kaam ki tanhai nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY