pareshan ho ke tanhai mein aksar oDh leti hun

pareshāñ ho ke tanhā.ī meñ aksar oḌh letī huuñ

udāsī meñ tirī yādoñ kī chādar oḌh letī huuñ

samajh jaatī huuñ jab mumkin nahīñ hai saath chalnā bhī

ḳhamoshī kī ridā maiñ apne uupar oḌh letī huuñ

tumhārī yaad ke saa.e pareshāñ jab bhī karte haiñ

maiñ suunī raat kī tanhā.ī baḌh kar oḌh letī huuñ

akelī jab guzartī huuñ purānī rahguzar se maiñ

to phūloñ se ladī Daalī kā manzar oḌh letī huuñ

the āzādī se pahle jis jagah ab tak vahīñ par haiñ

jo dekhā thā buzurgoñ ne vo manzar oḌh letī huuñ

mire pyāre vatan ko kis taraf le jā rahe haiñ vo

ye jab maiñ sochtī huuñ ġham kī chādar oḌh letī huuñ

rivāyat miT rahī hai jis ko sīñchā thā mohabbat se

'sabā' is fikr ko maiñ apne uupar oḌh letī huuñ

pareshan ho ke tanhai mein aksar oDh leti hun

udasi mein teri yaadon ki chadar oDh leti hun

samajh jati hun jab mumkin nahin hai sath chalna bhi

KHamoshi ki rida main apne upar oDh leti hun

tumhaari yaad ke sae pareshan jab bhi karte hain

main suni raat ki tanhai baDh kar oDh leti hun

akeli jab guzarti hun purani rahguzar se main

to phulon se ladi Dali ka manzar oDh leti hun

the aazadi se pahle jis jagah ab tak wahin par hain

jo dekha tha buzurgon ne wo manzar oDh leti hun

mere pyare watan ko kis taraf le ja rahe hain wo

ye jab main sochti hun gham ki chadar oDh leti hun

riwayat miT rahi hai jis ko sincha tha mohabbat se

'saba' is fikr ko main apne upar oDh leti hun