parinde khet mein ab tak paDaw Dale hain
parinde khet meñ ab tak paḌāv Daale haiñ
shikārī aaj tamāsha dikhāne vaale haiñ
havā.eñ tez haiñ āñdhī ne par nikāle haiñ
bahut udaas patañgeñ uḌāne vaale haiñ
kamand pheñk na denā zamīñ kī vus.at par
na.e jazīre samundar ne phir uchhāle haiñ
chalo ke dekh leñ 'ġhālib' ke ghar kī dīvāreñ
na.ī rutoñ ne bayābāñ meñ Dere Daale haiñ
galī galī meñ chamaktī hai dard kī ḳhushbū
hamāre zaḳhm mahakte hue ujāle haiñ
ab apne aap se milne kī justujū kyā ho
tumhāre shahr ke sab aa.ine to kaale haiñ
jo log vāqa.ī munsif-mizāj haiñ 'anjum'
sunā hai aaj vo chehre badalne vaale haiñ
parinde khet mein ab tak paDaw Dale hain
shikari aaj tamasha dikhane wale hain
hawaen tez hain aandhi ne par nikale hain
bahut udas patangen uDane wale hain
kamand phenk na dena zamin ki wusat par
nae jazire samundar ne phir uchhaale hain
chalo ke dekh len 'ghaalib' ke ghar ki diwaren
nai ruton ne bayaban mein Dere Dale hain
gali gali mein chamakti hai dard ki KHushbu
hamare zaKHm mahakte hue ujale hain
ab apne aap se milne ki justuju kya ho
tumhaare shahr ke sab aaine to kale hain
jo log waqai munsif-mizaj hain 'anjum'
suna hai aaj wo chehre badalne wale hain
Source:
Rooh-e-Ghazal,Pachas Sala Intekhab (Pg. 731)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
