parinde ko bharam hai uD raha hai

parinde ko bharam hai uḌ rahā hai

uḌāne vaalā koī dūsrā hai

ġharaz kī Dor se lipTe haiñ varna

jahāñ meñ kaun kis ko chāhtā hai

unheñ bas bhuul hī sakte nahīñ ham

agarche bhūlne kā qā'eda hai

bhalā is dil sā paajī kaun hogā

hamāre saath hai aur lāpata hai

bharosa toḌne vaalā yahāñ par

'ajab hai ki bharosa chāhtā hai

hamāre ḳhātme kā sochnā hī

tumhāre ḳhātme kī ibtidā hai

yaqīnan rāste to haiñ ka.ī par

ḳhamoshī rāstoñ kā rāstā hai

baḌā mushkil hai kuchh vo DhūñDhnā jo

hamāre paas hai aur kaam kā hai

bhalā vo bādshah kaise banegā

ġhulāmoñ kī tarah jo sochtā hai

agar hai dūsroñ par to hai ghātak

bharosa ḳhud pe hai to kaam kā hai

muqaddar khīñch laaya ham ko varna

ḳhushī se kaun ghar ko chhoḌtā hai

kisī bhī vaar se dushman ko 'kāmil'

nazar-andāz karnā mārtā hai

parinde ko bharam hai uD raha hai

uDane wala koi dusra hai

gharaz ki Dor se lipTe hain warna

jahan mein kaun kis ko chahta hai

unhen bas bhul hi sakte nahin hum

agarche bhulne ka qa'eda hai

bhala is dil sa paji kaun hoga

hamare sath hai aur lapata hai

bharosa toDne wala yahan par

'ajab hai ki bharosa chahta hai

hamare KHatme ka sochna hi

tumhaare KHatme ki ibtida hai

yaqinan raste to hain kai par

KHamoshi raston ka rasta hai

baDa mushkil hai kuchh wo DhunDhna jo

hamare pas hai aur kaam ka hai

bhala wo baadshah kaise banega

ghulamon ki tarah jo sochta hai

agar hai dusron par to hai ghatak

bharosa KHud pe hai to kaam ka hai

muqaddar khinch laya hum ko warna

KHushi se kaun ghar ko chhoDta hai

kisi bhi war se dushman ko 'kaamil'

nazar-andaz karna marta hai