pas-manzaron ke samne manzar hi rah na jaen
pas-manzaroñ ke sāmne manzar hī rah na jaa.eñ
sīnoñ ke raaz sīnoñ ke andar hī rah na jaa.eñ
kahne kī baat aur hai karne kī baat aur
ya.anī ye soch lījiye kah kar hī rah na jaa.eñ
dekho vahī to vaqt nahīñ aa rahā hai phir
phir aaj apne saath bahattar hī rah na jaa.eñ
ik dūsre ko ye jo haḌap kar rahe haiñ ham
socho zamīñ na ho to samundar hī rah na jaa.eñ
is baar gir paḌī haiñ chhateñ bhī makān kī
is baar haath haath pe dhar kar hī rah na jaa.eñ
bhaa.ī duā kā shīsh-mahal bhī hai koī chiiz
hāthoñ meñ bad-duāoñ ke patthar hī rah na jaa.eñ
kuchh kar ke ai 'nishāt' dikhāo vagarna phir
afrāsiyāb-o-ḳhizr-o-sikandar hī rah na jaa.eñ
pas-manzaron ke samne manzar hi rah na jaen
sinon ke raaz sinon ke andar hi rah na jaen
kahne ki baat aur hai karne ki baat aur
yani ye soch lijiye kah kar hi rah na jaen
dekho wahi to waqt nahin aa raha hai phir
phir aaj apne sath bahattar hi rah na jaen
ek dusre ko ye jo haDap kar rahe hain hum
socho zamin na ho to samundar hi rah na jaen
is bar gir paDi hain chhaten bhi makan ki
is bar hath hath pe dhar kar hi rah na jaen
bhai dua ka shish-mahal bhi hai koi chiz
hathon mein bad-duaon ke patthar hi rah na jaen
kuchh kar ke ai 'nishat' dikhao wagarna phir
afrasiyab-o-KHizr-o-sikandar hi rah na jaen
Source:
Rooh-e-Ghazal,Pachas Sala Intekhab (Pg. 555)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
