past himmat se kahan maraka sar hota hai

past himmat se kahāñ mā'raka sar hotā hai

sar ko Takrāo to dīvār meñ dar hotā hai

apnī hastī se jab apnā hī guzar hotā hai

tai kahīñ tab ye mohabbat kā safar hotā hai

laakh mahrūm rahūñ bā'is-e-yaldā lekin

merī āñkhoñ kā hadaf nūr-e-sahar hotā hai

ye zarūrī to nahīñ she'r kahā bhī jaa.e

she'r paḌhne meñ hī e’jāz-e-hunar hotā hai

zikr apnā bhī muhibbān-o-azīzāñ meñ 'shu’aib'

ho to jaatā hai ba-andāz-e-digar hotā hai

past himmat se kahan ma'raka sar hota hai

sar ko Takrao to diwar mein dar hota hai

apni hasti se jab apna hi guzar hota hai

tai kahin tab ye mohabbat ka safar hota hai

lakh mahrum rahun ba'is-e-yalda lekin

meri aankhon ka hadaf nur-e-sahar hota hai

ye zaruri to nahin she'r kaha bhi jae

she'r paDhne mein hi e’jaz-e-hunar hota hai

zikr apna bhi muhibban-o-azizan mein 'shu’aib'

ho to jata hai ba-andaz-e-digar hota hai