pech de zulf-e-ambarīñ na kahīñ
ḳhud ulajh jaao ai hasīñ na kahīñ
kabhī ghabrāte haiñ to kahte haiñ
koī betāb hai kahīñ na kahīñ
bahut isrār vasl par nahīñ ḳhuub
muñh se kah deñ vo phir nahīñ na kahīñ
zikr jis ġhamzade kā hotā hai
dil ye kahtā hai hoñ hamīñ na kahīñ
sajde karte haiñ log der meñ bhī
vaañ bhī ai yaar hoñ hamīñ na kahīñ
naaz uThātā hai nāznīnoñ ke
dil bhī ho jaa.e nāznīñ na kahīñ
sunte haiñ arsh hai rafī.a bahut
koī jānāñ kī ho zamīñ na kahīñ
kah rahī hai fasurdagī un kī
mar gayā hai koī kahīñ na kahīñ
dil mirā le ga.e to haiñ ḳhush ḳhush
hoñ jo merī tarah hazīñ na kahīñ
āsmāñ jis ko log kahte haiñ
koī qātil kī ho zamīñ na kahīñ
muztarib be-sabab nahīñ 'zebā'
dil lagā hai magar kahīñ na kahīñ
pech de zulf-e-ambarin na kahin
KHud ulajh jao ai hasin na kahin
kabhi ghabraate hain to kahte hain
koi betab hai kahin na kahin
bahut israr wasl par nahin KHub
munh se kah den wo phir nahin na kahin
zikr jis ghamzade ka hota hai
dil ye kahta hai hon hamin na kahin
sajde karte hain log der mein bhi
wan bhi ai yar hon hamin na kahin
naz uThata hai nazninon ke
dil bhi ho jae naznin na kahin
sunte hain arsh hai rafia bahut
koi jaanan ki ho zamin na kahin
kah rahi hai fasurdagi un ki
mar gaya hai koi kahin na kahin
dil mera le gae to hain KHush KHush
hon jo meri tarah hazin na kahin
aasman jis ko log kahte hain
koi qatil ki ho zamin na kahin
muztarib be-sabab nahin 'zeba'
dil laga hai magar kahin na kahin
Source:
Deewan-e-Zeba (Pg. ebook-48 page-49)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
