پیش آنے لگے ہیں نفرت سے
پیش آنے لگے ہیں نفرت سے
بھر گیا ان کا دل محبت سے
فائدہ یہ ہے تیری قربت سے
خوب کٹتا ہے وقت راحت سے
کام بنتے نہیں ہیں نفرت سے
کام چلتے ہیں سب محبت سے
ان کی خاطر مجھے جہاں والے
دیکھتے ہیں بڑی حقارت سے
زندگی میری اک مصیبت تھی
مل گئے آپ مجھ کو قسمت سے
ساری دنیا حریف ہے میری
اک ذرا سی تری عنایت سے
کیا خبر تھی کہ وقت پڑتے ہی
ہاتھ اٹھا لیں گے وہ محبت سے
وہ شب وصل بھی تو پہلو میں
باز آتے نہیں شرارت سے
دل کو چسکا پڑا ہے کچھ ایسا
باز آتا نہیں محبت سے
کامرانی کے واسطے افضلؔ
کام لینا پڑے گا ہمت سے
مأخذ:
Tumhen Pyar Karne Ko Ji chahta Hai (Pg. 72)
- مصنف: افضل پیشاوری
-
- اشاعت: 1972
- ناشر: آزاد ہند ہوٹل اردو بازار، دہلی
- سن اشاعت: 1972
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
