phaila ajab ghubar hai aaina-gah mein

Ejaz Gul

phaila ajab ghubar hai aaina-gah mein

Ejaz Gul

MORE BYEjaz Gul

    phailā ajab ġhubār hai ā.īna-gāh meñ

    mushkil hai ḳhud ko DhūñDhnā aks-e-tabāh meñ

    jal-bujh chukā hai ḳhvāhish-e-nākām se vajūd

    parchhā.īñ phir rahī hai makān-e-siyāh meñ

    maiñ vo ajal-nasīb ki qātil huuñ apnā-āp

    hotā huuñ roz qatl kisī qatl-gāh meñ

    rakkhā gayā huuñ izzat-o-tauqīr asiir

    bāñdhā gayā hai sar ko ġhurūr-e-kulāh meñ

    halkān meñ nahīñ tirī ḳhātir sar-e-hujūm

    sab mar rahe haiñ hasrat-e-yak-do-nigāh meñ

    phaila ajab ghubar hai aaina-gah mein

    mushkil hai KHud ko DhunDhna aks-e-tabah mein

    jal-bujh chuka hai KHwahish-e-nakaam se wajud

    parchhain phir rahi hai makan-e-siyah mein

    main wo ajal-nasib ki qatil hun apna-ap

    hota hun roz qatl kisi qatl-gah mein

    rakkha gaya hun izzat-o-tauqir ka asir

    bandha gaya hai sar ko ghurur-e-kulah mein

    halkan mein nahin teri KHatir sar-e-hujum

    sab mar rahe hain hasrat-e-yak-do-nigah mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY