phaili hui hai raat chimaT jaana chahiye
phailī huī hai raat chimaT jaanā chāhiye
ab apne andarūñ meñ simaT jaanā chāhiye
ye rishta-hā-e-ḳhvāb hai bas apne darmiyāñ
is rishta-hā-e-ḳhvāb ko kaT jaanā chāhiye
dīvār uThā rahā hai koī apne jism par
to kyā mujhe bhī ḳhānoñ meñ baT jaanā chāhiye
taqsīm ho ke aur ziyāda huā hai vo
baḌhne se pahle ham ko bhī ghaT jaanā chāhiye
ḳhāKī haiñ ham so ḳhaak kī pardāḳht ke liye
us malba-e-nigāh se paT jaanā chāhiye
phaili hui hai raat chimaT jaana chahiye
ab apne andarun mein simaT jaana chahiye
ye rishta-ha-e-KHwab hai bas apne darmiyan
is rishta-ha-e-KHwab ko kaT jaana chahiye
diwar uTha raha hai koi apne jism par
to kya mujhe bhi KHanon mein baT jaana chahiye
taqsim ho ke aur ziyaada hua hai wo
baDhne se pahle hum ko bhi ghaT jaana chahiye
KHaKi hain hum so KHak ki pardaKHt ke liye
us malba-e-nigah se paT jaana chahiye
Source:
Sabhi Rang Tumhare Nikle (Pg. 72)
- Author: Salim Saleem
-
- Edition: First
- Publisher: Rekhta Publications
- Year of Publication: 2017
Source:
Wahima Vajood Ka (Pg. 70)
- Author: Salim Saleem
-
- Edition: 2nd
- Publisher: Rekhta Publications
- Year of Publication: 2022
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
