phir bhaTakta phir raha hun hijr-mausam ke liye

phir bhaTaktā phir rahā huuñ hijr-mausam ke liye

ye ziyāda kho diyā maiñ ne kisī kam ke liye

is jahān-e-ḳhāk se jo bhī ta'alluq ho mirā

zinda rahnā hai mujhe us rabt-e-mub.ham ke liye

ek mamnū'a shajar ke saath kaaTe zindagī

jurm jaisī ye sazā hai āl-e-ādam ke liye

is kā matlab hai yahāñ ab koī aa.egā zarūr

dam nikalnā chāhtā hai ḳhair-maqdam ke liye

chhan rahī hai dhuup sī dīvār-e-jāñ ke us taraf

maiñ bhī ab mauzūñ nahīñ shāyad tire ġham ke liye

is ḳhizāñ meñ bhī vahī kāġhaz ke purze joḌ kar

ik shajar maiñ ne banāyā apne mausam ke liye

ḳhvāb mere yuuñ haiñ 'tābish' jis tarah paanī pe ret

ye shagun achchhā nahīñ hai dīda-e-nam ke liye

phir bhaTakta phir raha hun hijr-mausam ke liye

ye ziyaada kho diya main ne kisi kam ke liye

is jahan-e-KHak se jo bhi ta'alluq ho mera

zinda rahna hai mujhe us rabt-e-mubham ke liye

ek mamnu'a shajar ke sath kaTe zindagi

jurm jaisi ye saza hai aal-e-adam ke liye

is ka matlab hai yahan ab koi aaega zarur

dam nikalna chahta hai KHair-maqdam ke liye

chhan rahi hai dhup si diwar-e-jaan ke us taraf

main bhi ab mauzun nahin shayad tere gham ke liye

is KHizan mein bhi wahi kaghaz ke purze joD kar

ek shajar main ne banaya apne mausam ke liye

KHwab mere yun hain 'tabish' jis tarah pani pe ret

ye shagun achchha nahin hai dida-e-nam ke liye